السلام عليكم
هذه القصه لشاب اماراتي اسمه ماجد النعيمي وهو صاحب هذه الكلمات
الشاعر اسمه مايد النعيمي
شاب طموح كان يدرس في امريكا ..كان ساكن هو وربعه في شقة .. بس ربعه الله يسامحهم كانوا ما يعطونه ويه ودوم يطنزون عليه ..ويوم يطلعون ما يقولوله تعال معانا . وكانو يتهمونه بأنه يقول سوالفهم واستهتارهم بالدراسه لي اهلهم بالامارات.. وفي يوم من الايام ربعه راحوا السينما وما قالوله تعال معنا ...وفي هذيك الليله حس بضيقه ووجلس يكتب قصيدة في اصدقائه وحطاها في الصاله وطلع ... وطلع من السكن وفي الطريق دعمته سيارة ويوم ردوا ربعه البيت قروا القصيدة وجلسو يصيحون وقررو انهم يراضون ماجد لكن بعد شنو بعد فوات الاوان
لانه ماجد في هذاك الوقت كان في عداد المتوفين والله يرحمه ويرحمنا برحمته
توفي ماجد وهو في عز شبابه في السبعينيات وكان عمره 22 سنه
هذه القصه بكل اختصار
ان شاء الله تعجبكم
وهذي كلمات الاغنيه باللهجه (( الرمسه )) الاماراتيه
لول معي زايد غلاكـــم ** افدي بروحي واشتريكــم
احرق واشني من شناكم ** ما ارتضي بالشين فيكم
وانتو تجافونا اصدقاكم ** من دون زلات تجيكــــــــــم
كدرتو الخاطر تراكــم ** واعرفت قاصي اولـــيكـــم
واليوم مالي في معناكم ** حشا وكلا ما عنيكــــــــم
امشو وسير في هواكم ** وانا عليه مبتليكــــــــــــــم
ضاع الربع في ملتقاكم ** من حين جافيتو خويكـــــم
لو كان باغي الشد عواكم ** ان جان بشاور وليكـــم
لكن هذه من جداكم ** امسامحه مني اليكـــــــــــــــم
واقول لاني في ثراكم ** الله يهديني ويهديكــــــــم
والقلب حاله انعاف ماكم ** يوم املحت شربت طويكـــم
وهذا رابط الاغنيه للأستماع
http://www.myuae.com/artists/meehad_.../lawal_ma3i.rm والسمووووووووووووووحه عالقصور